Digital edition of oraec181 (for metadata and credits check oraec181)
j Mꜣꜣ-ḥꜣ≡f sḫm m jb =f wḥꜥ ḏsf.w n zmꜣ-tꜣ wbꜣ-tꜣ j wḥꜥ.w jpn ms.w jti̯.w =sn ḥꜣm.y ḥꜣm,t =ṯn pẖr.y m ⸮mn,w? n nw(y) nn ḥꜣm =ṯn wj m jꜣd,t =ṯn twy ḥꜣm〈.t〉 =ṯn nni̯,yw jm =s
nn jss =ṯn wj m jss,t twy jss =ṯn ḫtj,w-tꜣ jm =s n,tj ḏbꜣ,w =s r p,t dns.pl =s r tꜣ
jri̯.n =j ꜥ n pꜣy r =ṯn m wḥꜥ ḏsf.w jmn ḏbꜥ.pl
jw =j rḫ.kw {ꜥ}šꜥ,t =j jm =s ḥsb,t twy n.t Ꜣs,t šꜥ.t np.w n Ḥr,w jm =s
jw =j 〈rḫ.kw〉 rn n ḏbꜣ.w =s dns.pl =s
jw =j rḫ.kw rn n nwḥ =s ḥꜣm sj jm
ꜥ.wj pw n nṯr nb sḏm mdw m Jwn,w grḥ pwy n smd,t m ḥw,t-jꜥḥ sꜣb
jw =j rḫ.kw rn n wꜥr,t gwꜣ.t sj ḥr =s
wꜥr,t twy pw n.t bjꜣ ꜥḥꜥ.t nṯr.pl ḥr =s
jw =j rḫ.kw rn n rwḏ,w šzp rm.w =s
jw =j rḫ.kw rn n ḥtp wꜣḥ =f sw ḥr =f
ḥmsi̯ wꜥi̯.w m kk,w jw,tj mꜣ.n =f snḏ.w n =f jw,tjpl ḏḏ!.w n =f n,tj.w [j]ꜣ,w
jy.n =j ḫꜥi̯.kw m wr sšmi̯.w Tꜣ,du
jw =j rḫ.kw rn n ꜥḏ tmm! rʾ.pl wbn,w n ḏbꜥ pwy wr n Wsjr
jw =j rḫ.kw rn n ḏbꜥ.du nḏri̯.ypl sw
ḏbꜥ.du pw n tp,jw-ꜥ Rꜥ,w ꜥn,t tp,j.t-ꜥ n.t Ḥw,t-Ḥr,w
jw =j rḫ.kw rn n nw,t.pl n,tj ḥr ꜥḏ pn
jw =j rḫ.kw rn n tmm.w tp,j.w-ꜥ Gbb
jw jni̯.n =k wnm.n =k jni̯.n =j wnm.n =j
j Ḥr≡f-ḥꜣ≡f sḫm m jb =f wḥꜥ ḏsf.w n wbꜣ-tꜣ j ḥꜣm,ypl ms.w jti̯.w =sn sḫt,j.ypl m-ẖnw Jns,t nn ḥꜣm =ṯn wj m jꜣd,t =ṯn
nn sḫt =ṯn wj m šnw.w =ṯn ḥꜣm =ṯn nni̯,ypl jm sḫt =ṯn ḫtj,w-tꜣ jm =s
ḥr-n,tt wj rḫ.kw sj rḫ[.kw] ⸢ḏbꜣ.w⸣ =s ḥr,j.w dns.pl =s ẖr,j.w
jn-jw =ṯn rḫ.twnj n,tt wj rḫ.kw rn n ḏsf.w ṯꜣ.pl s,t =f
jr mḫsf n,tj m-ꜥ =j sbq pw n Šzm,w
jr ꜥḏ pw n,tj m-ꜥ =j ḏbꜥ pw n Zkr
jr mḏꜣ,t n,tt m-ꜥ =j ḏr,t pw n.t Ꜣs,t
jr j:šꜥ,t n,tt m-ꜥ =j ḥsq,t pw n.t Šzm,w
m =k wj jrf ḥmsi̯ =j m wjꜣ-n-Rꜥ,w
ḏꜣi̯ =j mr-nḫꜣ,du r p,t mḥ,tj.t
pri̯ Wsjr [...] mꜣꜥ-ḫrw ḥr mꜣq,t =ṯn jri̯.tn n =f jti̯ =f Rꜥ,w