oraec480

Digital edition of oraec480 (for metadata and credits check oraec480)

[...] ḥnꜥ-ḏd

mj ={j} wḥꜥ =((j)) n =k qꜣj ꜥḥ,wtj tꜣj k.tj jꜣw,t nḫt((.tj))

[...] pꜣ mw mḥ

tḫb.ṱ =f ⸢⸮m?⸣ ⸢⸮sp{r}〈,t〉?⸣

sw ꜥḥꜥ ḥr sdbḥ[,t].pl.ṱ =f

wršu̯ =f 〈ḥr〉 šꜥd ḫꜥ,w.pl n skꜣ

sḏr =f 〈ḥr〉 šꜣšꜣ nwḥ.w.pl

j:jri̯ =f tꜣy =f wnw,t n mtr,t n bꜣk,w n pꜣ ꜥḥ,wtj

jry =f sdbḥ,t.pl.ṱ =f r pri̯ r sḫ,t.pl mj mꜥḥꜣ{.pl} nb{.t}

tꜣ ꜥḥ,t ꜥḫm.ṱ wꜣḥ.ṱ m-bꜣḥ =f

sw pri̯.y r šdi̯ ḥtrj =f

hꜣw.pl qn,w ḥr swꜣi̯ 〈ḥr〉 nn jw =f m-sꜣ pꜣ mjnj

šdi̯ =f pꜣ ḥtrj

sw jwi̯.w ẖrj-r =f

jry =f n =f ꜥ m sḫ,t.pl

ḥḏ-tꜣ sw pri̯.y r sdwꜣ

bw gmi̯.n =f sw ḥr s,t(.ṱ) =f

jry =f hrw 3 n wḫꜣ =f

gmi̯.n =f sw m tꜣ ꜥmꜥm,t

bw gmi̯⸮.n? =f dḥrjw.pl jm =sn

wšꜥ sn nꜣ wnš.w.pl

sw pri̯.y pꜣy =f d(ꜣj,w) m ḏr,t =f r dbḥ n =f ḥtrj

spr =f r tꜣy =f ꜥḥ,t

gmi̯.n =f 〈st〉 pttj

jry =f nw r ꜥḥꜥ (ḥr) skꜣ jw tꜣ 〈ḥfꜣ,t〉 m-sꜣ =f

ꜥḏn.n =f tꜣ pr,t m ḫꜣꜥ 〈r〉 jwtn

bw p(t)j =⸢f⸣ gꜣ~bw~jꜣ.pl wꜣḏwꜣḏ

jry =f swst m 3 skꜣ m jt n wšb,yt

tꜣy =f [ḥm,t] hꜣy.tj m šꜣ~wꜣ~tj,t.pl

bw gmi̯ =st nkt r ḏbw

jw pꜣ zẖꜣ,w (ḥr) mjnj{ꜣ} ḥr mr,yt{.pl} jw =f (ḥr) spẖr šm,w jw ꜥꜣ.pl m-sꜣ =f ẖrj šꜣbd,t,pl nḥs,j.pl ẖrj bḏn,w

jw =tw 〈ḥr〉 〈(ḏd)〉

jmm.tw jt

nn-wn

ḥwi̯(.tw) =f m prš jw =f snḥ ḫꜣꜥ m tꜣ šd,t

tꜣḥ.n =f m ḏꜣbqbq jw tꜣy =f ḥm,t snḥ.tj m-bꜣḥ =f

nꜣy =f ẖrd.w.pl m m~ḫꜣ~j.w.pl

nꜣy =f sꜣḥ.pl-tꜣ (ḥr) ḫꜣꜥ =w

st (ḥr) wꜥr{d}〈.t〉

grḥ

bn nꜣ jt

jr wnn jb =k jri̯ zẖꜣ,w

jry =k swḏꜣ jb =k r ꜥḥ,wtj

bn jw =k rḫ r jri̯ =f

jḫ rḫ =k sw [...]