oraec455

Digital edition of oraec455 (for metadata and credits check oraec455)

rʾ n ḫsf rfrf m ẖr,t-nṯr

ḏd-mdw jn Wsjr [...] mꜣꜥ-ḫrw

ḥꜣ =k zbn jntj pfj m-ꜥ ꜥꜣpp

mḥi̯ =k r š nw,w r b(w) wḏ.n jti̯ =k r jri̯(.t) šꜥd =k jm

ḥri̯.w ṯw r msḫn(,t) twy n(.t) Rꜥ,w jm,j(.t) sdꜣdꜣ

jnk Rꜥ,w sdꜣdꜣ

ḥꜣ =k mds

ḫp =k sḫr.n Rꜥ,w

pnꜥ ḥr =k jn nṯr.pl

šdi̯ ḥꜣ,tj =k jn mꜣfd,t

qꜣjs =k jn Ḥdd,t

wḏ nkn =k jn Mꜣꜥ,t

sḫr ṯw jm,j.w wꜣ,t

ḫr zbn ꜥꜣpp ḫfti̯ n Rꜥ,w

j rwj ꜥḏ m jꜣb,tt n.t p,t ḥr ḫrw qrj,w m nhmhm wn sbꜣ.pl ꜣḫ,t tp-ꜥ Rꜥ,w

pri̯ =f bꜣgi̯(.w) rf m nzp,w

jri̯.y =j jb =k zp-2

jri̯.y =j nfr zp-2

jri̯.y =j m-ḥtp zp-2 Rꜥ,w

jri̯.y =j hy nwḥ =k Rꜥ,w

jw ꜥꜣpp ḫr(.w) snḥ.w

qꜣjs.n s(w) rsj,pl mḥ,t(j)pl jmn,t(j)pl jꜣb,t(j)pl

qꜣs =sn jm =f

sḫr sw Ꜣkr

qꜣjs.n sw ḥr,j-ry{bḥ}(,t)

ḥtp zp-2 Rꜥ,w

swḏꜣ m-ḥtp

ꜥꜣpp ḫfti̯{.pl} n Rꜥ,w ḫr(.w) sḫr(.w)

hꜣi̯ ꜥꜣpp

wr dp(,t) =k r dp(,t) twy bjnr(.t) ḥr(,j.t) jb n Ḥdd,t

jri̯.n =s r =k

mr ṯw n =s ẖr,t n-ḏ,t

zb(n).n =k bnn =k n-ḏ,t

ꜣ nk =k n-ḏ,t ḫfti̯{.pl} n Rꜥ,w

ḫsf =f ḥr =k msḏi̯ Rꜥ,w

mꜣꜣ =k ḥꜣ =k

zni̯ tp =k ds ḥr

zni̯ ḥr-gs,wj wꜣ(,t) r dndn tp =k (j)n jm,j.w-tp =k

sḏ qs.pl bḥn ꜥ,t.pl =k jn Wsjr

sjp〈.n〉 ṯw Ꜣkr ꜥꜣpp ḫfti̯{.pl} n Rꜥ,w

ky-ḏd wḏ Sḫm,t nṯr,j.t jp.t ḥtp jm jni̯(.t) ḥnk =k jm

j{w} ḫpi̯ zp⸮[-2]?

jri̯ n =k r pr,w =k

ḫpi̯ zp-2

jri̯ n =k r pr,w

ḫpi̯ zp-2 nfr

nn hꜣi̯ bjn nb ḏw m rʾ =k r =j jri̯.n =k n =j

jnk Swtj šdi̯ {ḫ}〈ẖ〉nn,w ḫrw pri̯ =f m-ẖnw ꜣḫ,t n.t p,t mj nbḏ

jb =f pw

j j.n Jtm,w ṯzi̯ =ṯn ḥr =ṯn nfr,pl

ḫsf nbḏ m ḏꜣḏꜣ,t

j j.n Gbb smn ns,t =ṯn m-ḥr-jb wjꜣ Ḫprj

šzp =ṯn ꜥḥꜣ =ṯn msq bb,t.pl =ṯn ḏḏ!.y{m}w =ṯn ḥr ꜥ.wj =ṯn j.n Ḥw,t-Ḥr,w

Rꜥ,w pri̯ =f

šzp nzp.pl =ṯn j:j.n Nw,t

mi̯≡n ḫsf nbḏ pfj jy r jm,j-kꜣ{r}jw≡f ḏꜣi̯ wꜥi̯(.w) ky-ḏd wꜥi̯(.w) ꜥ.wj!! nb-(r-)ḏr

jw,tj ḫsf =f m nṯr.pl

j j.n nṯr.pl šzp pꜣ,t.pl =ṯn

pẖr š m mfk(ꜣ),t

mi̯≡n n jm,j-kꜣ{r}jw≡f pri̯ psḏ,t jm =f

jri̯.ypl n =f sꜣḫ,pl

ḏḏ! =ṯn n =f jꜣ,w

smj sw jrf =ṯn

j j.n Nw,t mw,t nṯr.pl pri̯ 〈=f〉

gmi̯.n =f wꜣ,t

jri̯.n =f ḥꜣq(,t) m nṯr.pl

šzp.n =f ḫnt Nw,t

ꜥḥꜥ Gbb nrj.w

psḏ,t-ꜥꜣ,t m sṯꜣ zp-2

Ḥw,t-Ḥr,w jm

psḏ,t sdꜣdꜣ(.w)

mꜣꜥ-ḫrw Rꜥ,w r ꜥꜣpp zp-4