oraec688

Digital edition of oraec688 (for metadata and credits check oraec688)

ky rʾ n sjqr ꜣḫ hrw sn,wt

ḏd-mdw jn [...] mꜣꜥ-ḫrw

m =k jr =k ḫ(ꜣ)b(ꜣ)≡s.w m Jwn,w ḥnmm,t m H̱r,j-ꜥḥꜣ

msi̯ nṯr ꜥrq sšd =f nḏri̯ dp,w =f

wḏꜥ Wsjr [...] mꜣꜥ-ḫrw ḥꜥꜥ! =sn r sḫn wḫr,t nṯr.pl

šdi̯ Wsjr [...] mꜣꜥ-ḫrw wjꜣ jm =f n ḫꜣ r-tp =f

pri̯ Wsjr [...] r p,t

sqdi̯ Wsjr [...] mꜣꜥ-ḫrw r p,t

sqdi̯ =f jm =f r Nw,t

sqdi̯ =f jm =f ḥnꜥ Rꜥ,w

sqdi̯ =f jm =f m gꜣf.w ḫsf wꜣ,w ḥr,j wꜥr,t twy n.t Nw,t r rdw pwy n sb{ꜣ}g{w}

jw Gbb Nw,t jb =sn nḏm(.w)

wḥm rn mꜣwi̯.w rnpi̯.w Wnn-nfr,w

Rꜥ,w m ꜣḫ,w =f

Wn,tj m ḏd n =f

ṯwt bꜥḥ sms,w jm,j nṯr.pl zni̯ dp,t bn{r}j ḥr,j-jb jw,tj ḫmi̯.tw =f nb hmhm,t khꜣ ḥpw,tj psḏ,t wꜣš bꜣ spd r nṯr.pl Šmꜥ,w Mḥw ꜣḫ,w =sn

jsṯ ḏi̯! =k wrr Wsjr [...] mꜣꜥ-ḫrw

ꜥꜣi̯ =f m p,t mj ꜥꜣi̯ =k m-m nṯr.pl

nḥm =k sw m-ꜥ jri̯,t nb.t r =f bḥn,w m ḏꜣi̯,w pf

qni̯ jb =f

ḏi̯! =k wsr Wsjr [...] mꜣꜥ-ḫrw r nṯr.pl ꜣḫ.pl mt.w nb.w

Wsjr [...] mꜣꜥ-ḫrw wsr nb wsr.w

Wsjr [...] mꜣꜥ-ḫrw nb-mꜣꜥ,t jri̯.n Wꜣḏ,yt

mk,t Wsjr [...] mꜣꜥ-ḫrw mk,t Rꜥ,w m p,t

ḏi̯! =k swꜣ Wsjr [...] mꜣꜥ-ḫrw m wjꜣ =k Rꜥ,w m-ḥtp,w

jri̯ wꜣ,t n Wsjr [...] mꜣꜥ-ḫrw

sqdi̯ wjꜣ

mk,t Wsjr [...] mꜣꜥ-ḫrw mk,t =f

Wsjr [...] mꜣꜥ-ḫrw ḫsf ꜣd,w ḥr Rꜥ,w rꜥ,w-nb

jy.n Wsjr [...] mj Ḥr,w m ḏsr,w ꜣḫ,t p,t

sr Wsjr [...] mꜣꜥ-ḫrw Rꜥ,w ḥr ꜥrr,wt.pl

ḥꜥi̯ rf nṯr.pl m ḫsf,w Wsjr [...] mꜣꜥ-ḫrw

jw sṯi̯-nṯr r [...]

nn pḥ sw nbḏ

nn ḫmi̯ sw jr,j.w ꜥrr,wt.pl =sn

Wsjr [...] mꜣꜥ-ḫrw štꜣ ḥr m-ẖnw ꜥḥ ḥr,j ḫm n nṯr

Wsjr [...] mꜣꜥ-ḫrw zbi̯ mdw nṯr.pl n Rꜥ,w

jy.n Wsjr [...] sḏb =f wp(w),t n nb =s

Wsjr [...] wsr jb wdn ꜣ,t m-m jri̯.yw ḥtp,t

ḏd-mdw ḥr twt n ꜣḫ pn rḏi̯(.w) m wjꜣ pn

jsk wꜥb.tj tw{r}j.tj snṯr.tj m-bꜣḥ Rꜥ,w m tʾ ḥnq,t jwf ꜣšr,t

sqd,wt pw m wjꜣ-n-Rꜥ,w

jr ꜣḫ nb jrr!.w n =f nn jw =f m-m ꜥnḫ,w

n ski̯.n =f

wnn =f m nṯr ḏsr

n ḫmi̯.n sw (j)ḫ,t-nb,t ḏw.t

wnn =f m ꜣḫ mnḫ m jmn,t

n m(w)t.n =f m-wḥm

jw =f wnm =f zw{r}j =f m-bꜣḥ Wsjr rꜥ,w-nb

jw sṯꜣ.tw =f ḥnꜥ nsw,t.yw bj,tj.w rꜥ,w-nb

jw =f zw{r}j =f mw ḥr bb,t

wnn =f ḥr pri̯.t m hrw mj Ḥr,w

jw =f ꜥnḫ(.w)

wnn =f mj nṯr

dwꜣ.tw =f jn ꜥnḫ,w mj Rꜥ,w rꜥ,w-nb

šs-mꜣꜥ ḥḥ n zp